0:00
/
1ܘܐ݇ܬܹܐܠܗܘܿܢ ܠܟܸܣܠܹܗ ܦܪ̈ܝܼܫܹܐ ܘܙܲܕܘܼܩܵܝܹ̈ܐ ܓ̰ܵܪܘܿܒܹܗ: ܘܛܠܸܒܠܘܿܢ ܡܸܢܹܗ ܕܡܲܚܙܹܐ ܠܗ݇ܘܿܢ ܢܝܼܫܲܢܩܵܐ ܡ̣ܢ ܫܡܲܝܵܐ. 2ܐܝܼܢܵܐ ܗ̇ܘ ܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܵܝܗܝ: ܐܝܼܡܲܢ ܕܗَܘܹܐܠܹܗ ܪܲܡܫܵܐ: ܟܹܐ ܐܵܡܪܝܼܬܘܿܢ: ܨܸܚܘܵܐ ܝ݇ܠܵܗ̇: ܣܵܒܵܒ ܕܣܡܸܩܠܵܗ̇ ܫܡܲܝܵܐ. 3ܘܒܨܲܦܪܵܐ ܟܹܐ ܐܵܡܪܝܼܬܘܿܢ: ܐܸܕܝܘܿܡ ܗܵܘܵܐ ܐܲܝܟܼ ܣܸܬܘܵܐ ܝ݇ܠܵܗ̇: ܣܵܒܵܒ ܕܣܡܸܩܠܵܗ̇ ܫܡܲܝܵܐ ܘܚܘܼܫܟܸܢܵܗ̇. ܦܵܬܵܐ ܕܫܡܲܝܵܐ ܟܹܐ ܝܵܕܥܝܼܬܘܿܢ ܕܦܵܪܫܝܼܬܘܿܢ: ܐܝܼܢܵܐ ܢܝܼܫܲܢܩܹ̈ܐ ܕܐܵܗܵܐ ܙܲܒ̣ܢܵܐ ܠܹܐ ܡܵܨܹܝܬܘܿܢ ܕܦܵܪܫܝܼܬܘܿܢ. 4ܐܘܼܓ̰ܵܓ̣ ܒܝܼܫܬܵܐ ܘܩܲܗܒܵܐ ܢܝܼܫܲܢܩܵܐ ܒܸܒܥܵܝܵܐ ܝ݇ܠܵܗ̇: ܘܢܝܼܫܲܢܩܵܐ ܠܹܐ ܦܵܐܹܫ ܝܘܼܗَܒ̣ܵܐ ܐܸܠܵܗ̇: ܫܒ̣ܘܿܩ ܡ̣ܢ ܢܝܼܫܲܢܩܵܐ ܕܝܵܘܢܵܢ. ܘܫܒ̣ܝܼܩܵܝܠܹܗ ܘܐَܙܸܠܹܗ. 5ܘܟܲܕ ܐ݇ܬܹܐܠܗܘܿܢ ܬܲܠܡܝܼܕܘܼ̈ܗܝ ܠܓܹܒܵܐ ܐ݇ܚܹܪ݇ܢܵܐ: ܡܘܼܢܫܹܠܗܘܿܢ ܕܫܵܩܠܝܼ ܠܲܚܡܵܐ. 6ܘܝܼܫܘܿܥ ܐَܡܝܼܪܹܗ ܐܸܠܵܝܗܝ: ܚܙܹܝܡܘܿܢ: ܗَܘܹܝܡܘܿܢ ܗܸܫܝܵܪ ܡ̣ܢ ܚܡܝܼܪܵܐ ܕܦܪ̈ܝܼܫܹܐ ܘܕܙܲܕܘܼܩܵܝܹ̈ܐ. 7ܐܝܼܢܵܐ ܐܵܢܝܼ ܒܸܚܫܵܒ̣ܵܐ ܗ݇ܘܵܘ ܒܓܵܢܵܝܗܝ ܒܹܐܡܵܪܵܐ: ܕܠܲܚܡܵܐ ܠܵܐ ܫܩܸܠܲܢ. 8ܐܝܼܢܵܐ ܝܼܫܘܿܥ ܝܕܸܥܠܹܗ: ܘܐَܡܝܼܪܹܗ ܐܸܠܵܝܗܝ: ܩܵܡܘܿܕܝܼ ܒܸܚܫܵܒ̣ܵܐ ܝܬܘܿܢ ܒܓܵܢܵܘܟ̣ܘܿܢ: ܝܵܐ ܟܝܼܡ ܗܲܝܡܵܢܘܼܬܵܐ: ܣܵܒܵܒ ܕܠܲܚܡܵܐ ܠܵܐ ܫܩܸܠܵܘܟ̣ܘܿܢ. 9ܗܲܠ ܐܵܕܝܼܵܐ ܠܵܐ ܦܘܼܪܡܹܠܵܘܟ̣ܘܿܢ: ܠܹܐ ܝܬܘܿܢ ܒܸܕܟ̣ܵܪܵܐ ܠܐܵܢܝܼ ܚܲܡܫܵܐ ܠܲܚܡܹ̈ܐ ܕܚܲܡܫܵܐ ܐܲܠܦܹ̈ܐ: ܘܟܡܵܐ ܩܘܼܦܹ̈ܐ ܫܩܸܠܵܘܟ̣ܘܿܢ. 10ܘܠܵܐ ܠܐܵܢܝܼ ܫܲܒ̣ܥܵܐ ܠܲܚܡܹ̈ܐ ܕܐܲܪܒܥܵܐ ܐܲܠܦܹ̈ܐ: ܘܟܡܵܐ ܣܵܠܹ̈ܐ ܫܩܸܠܵܘܟ̣ܘܿܢ. 11ܕܐܵܟ̣ܝ ܠܵܐ ܦܘܼܪܡܹܠܵܘܟ̣ܘܿܢ ܠܹܐ ܗ݇ܘܵܐ ܕܥܲܠ ܠܲܚܡܵܐ ܐَܡܸܪܝܼ ܐܸܠܵܘܟ̣ܘܿܢ: ܐܸܠܵܐ ܗܵܘܹܝܬܘܿܢ ܗܸܫܝܵܪ ܡ̣ܢ ܚܡܝܼܪܵܐ ܕܦܪ̈ܝܼܫܹܐ ܘܕܙܲܕܘܼܩܵܝܹ̈ܐ. 12ܗ̇ܝܓܵܗ ܦܘܼܪܡܹܠܗܘܿܢ ܕܠܵܐ ܐَܡܝܼܪܹܗ ܕܗܵܘܝܼ ܗܸܫܝܵܪ ܡ̣ܢ ܚܡܝܼܪܵܐ ܕܠܲܚܡܵܐ: ܐܸܠܵܐ ܡ̣ܢ ܝܘܼܠܦܵܢܵܐ ܕܦܪ̈ܝܼܫܹܐ ܘܕܙܲܕܘܼܩܵܝܹ̈ܐ. 13ܘܟܲܕ ܐَܬܹܐܠܹܗ ܝܼܫܘܿܥ ܠܐܲܬܪܵܐ ܕܩܹܣܲܪܝܵܐ ܕܦܝܼܠܝܼܦܘܿܣ: ܒܘܼܩܸܪܹܗ ܡ̣ܢ ܬܲܠܡܝܼܕܘܼ̈ܗܝ ܘܐَܡܝܼܪܹܗ: ܡܵܢܝܼ ܟܹܐ ܐܵܡܪܝܼ ܥܲܠܝܼ ܐ݇ܢܵܫܹ̈ܐ ܕܐܵܢܵܐ ܒܪܘܿܢܹܗ ܕܐ݇ܢܵܫܵܐ ܝܼܘܸܢ. 14ܘܐܵܢܝܼ ܐَܡܸܪܗܘܿܢ: ܐܝܼܬ ܕܒܹܐܡܵܪܵܐ ܝܢܵܐ: ܝܘܿܚܲܢܵܢ ܡܲܥ̄ܡܕܵܢܵܐ: ܘܐ݇ܚܹܪ̈݇ܢܹܐ: ܐܹܠܝܼܵܐ: ܘܐ݇ܚܹܪ̈݇ܢܹܐ: ܐܹܪܲܡܝܵܐ: ܝܲܢ ܚܲܕَ ܡ̣ܢ ܢܒ̣̈ܝܹܐ. 15ܐَܡܝܼܪܹܗ ܐܸܠܵܝܗܝ: ܐܝܼܢܵܐ ܐܲܚܬܘܿܢ ܡܵܢܝܼ ܒܹܐܡܵܪܐ ܝܬܘܿܢ ܕܝܼܘܸܢ. 16ܓ̰ܘܼܘܸܒܠܹܗ ܫܸܡܥܘܿܢ ܟܹܐܦܵܐ ܘܐَܡܝܼܪܹܗ: ܐܲܢَܬ ܝܼܘܸܬ ܡܫܝܼܚܵܐ: ܒܪܘܿܢܹܗ ܕܐܲܠܵܗܵܐ ܚܲܝܵܐ. 17ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ ܐܸܠܹܗ: ܛܘܼܒ̣ܵܐ ܐܸܠܘܼܟܼ: ܫܸܡܥܘܿܢ ܒܪܘܿܢܹܗ ܕܝܘܿܢܵܐ: ܣܵܒܵܒ ܕܒܸܣܪܵܐ ܘܕܸܡܵܐ ܠܵܐ ܓܠܹܐܠܹܐ ܐܸܠܘܼܟܼ: ܐܸܠܵܐ ܒܵܒܝܼ ܕܒܫܡܲܝܵܐ. 18ܐܘܼܦ ܐܵܢܵܐ ܒܹܐܡܵܪܵܐ ܝܘܸܢ ܐܸܠܘܼܟܼ: ܐܲܢَܬ ܝܼܘܸܬ ܟܹܐܦܵܐ: ܘܥܲܠ ܕܐܵܗܵܐ ܟܹܐܦܵܐ ܒܸܬ ܒܵܢܸܢܵܗ̇ ܥܹܕܬܝܼ: ܘܬܲܪ̈ܥܵܢܹܐ ܕܫܝܘܿܠ ܠܹܐ ܙܲܪܒܸܢܝܼ ܒܝܼܵܗ̇. 19ܐܸܠܘܼܟܼ ܒܸܬ ܝܵܗَܒܸܢ ܐܸܠܘܼܟܼ ܩܕܝܼܠܹ̈ܐ ܕܡܲܠܟܘܼܬܵܐ ܕܫܡܲܝܵܐ: ܘܟܠ ܡܸܢܕܝܼ ܕܐܵܣܪܸܬ ܒܐܲܪܥܵܐ: ܒܸܬ ܗܵܘܹܐ ܐَܣܝܼܪܵܐ ܒܫܡܲܝܵܐ: ܘܡܸܢܕܝܼ ܕܫܵܪܸܬ ܒܐܲܪܥܵܐ: ܒܸܬ ܗܵܘܹܐ ܫܸܪܝܵܐ ܒܫܡܲܝܵܐ. 20ܗ̇ܝܓܵܗ ܦܩܸܕܠܹܗ ܠܬܲܠܡܝܼܕܘܼ̈ܗܝ: ܕܠܐ݇ܢܵܫܵܐ ܠܵܐ ܐܵܡܪܝܼ ܕܗ̇ܘ ܝܼܠܹܗ ܡܫܝܼܚܵܐ. 21ܘܡ̣ܢ ܗ̇ܝܓܵܗ ܫܘܼܪܹܐܠܹܗ ܝܼܫܘܿܥ ܠܡܲܚܙܘܼܝܹܐ ܠܬܲܠܡܝܼܕܘܼ̈ܗܝ: ܕܘܵܓ̰ܸܒ ܝܼܗ݇ܘܵܐ ܕܐܵܙܸܠ ܠܐܘܿܪܸܫܠܸܡ: ܘܪܵܒܵܐ ܩܵܒܸ̇ܠ ܚܲܫܵܐ ܡ̣ܢ ܚܘܵܪ̈ܕܸܩܢܹܐ: ܘܡ̣ܢ ܓܘܼܪ̈ܵܢܹܐ ܕܟܵܗܢܹ̈ܐ ܘܣܵܦܪܹ̈ܐ: ܘܦܵܐܹܫ ܩܛܝܼܠܵܐ: ܘܒܝܵܘܡܵܐ ܕܬܠܵܬܐ ܦܵܐܹܫ ܡܘܼܩܸܡܵܐ. 22ܘܠܘܼܒܸܠܹܗ ܟܹܐܦܵܐ ܘܫܘܼܪܹܐܠܹܗ ܠܸܢܓ̰ܵܘܵܐ ܒܝܹܗ: ܘܐَܡܝܼܪܹܗ: ܚܵܣ ܡܸܢܘܼܟ: ܡܵܪܝܼ: ܠܵܐ ܗܵܘܝܵܐ ܠܘܼܟܼ ܐܵܗܵܐ. 23ܐܝܼܢܵܐ ܗ̇ܘ ܕܸܪܹܗ ܘܐَܡܝܼܪܹܗ ܠܟܹܐܦܵܐ: ܙܹܠَܐ ܠܘܼܟܼ ܡܼܢ ܒܵܬَܪܝܼ: ܣܵܛܵܢܵܐ: ܬܘܼܪܩܵܠܵܐ ܝܘܸܬ ܐܸܠܝܼ: ܣܵܒܵܒ ܠܹܐ ܝܘܸܬ ܒܸܚܫܵܒ̣ܵܐ ܡܸܢܕܝܼܵܢܹ̈ܐ ܕܐܲܠܵܗܵܐ: ܐܸܠܵܐ ܕܒܢܲܝ̈ܢܵܫܵܐ. 24ܗ̇ܝܓܵܗ ܐَܡܝܼܪܹܗ ܝܼܫܘܿܥ ܠܬܲܠܡܝܼܕܘܼ̈ܗܝ: ܡ̇ܢ ܕܒܵܥܝܹܐ ܐܵܬܹܐ ܒܵܬَܪܝܼ: ܟܵܦܸܪ ܒܓܵܢܹܗ ܘܫܵܩܸܠ ܙܩܝܼܦܹܗ ܘܐܵܬܹܐ ܒܵܬَܪܝܼ. 25ܣܵܒܵܒ ܡ̇ܢ ܕܒܵܥܝܹܐ ܕܡܲܚܹܐ ܓܵܢܹܗ: ܒܸܬ ܬܵܠܸܩ ܠܵܗ̇: ܘܡ̇ܢ ܕܬܵܠܸܩ ܓܵܢܹܗ ܒܚܵܛܸܪ ܕܝܼܝܼ: ܡܵܫَܟ̰ܸܚ ܠܵܗ̇. 26ܣܵܒܵܒ ܕܡܘܼܕܝܼ ܒܸܬ ܗܵܘܹܐ ܦܲܝܕܵܐ ܠܒܲܪܢܵܫܵܐ: ܐܸܢ ܥܵܠܡܵܐ ܟܠܹܗ ܩܵܢܹܐ: ܘܓܵܢܹܗ ܡܲܒܨܸܪ: ܝܲܢ ܡܘܼܕܝܼ ܒܸܬ ܝܵܗَܒܸܠ ܒܲܪܢܵܫܵܐ ܡܒܵܕܵܠ ܕܓܵܢܹܗ. 27ܣܵܒܵܒ ܕܗܕܝܼܪܵܐ ܝܠܹܗ ܒܪܘܿܢܹܗ ܕܐ݇ܢܵܫܵܐ ܕܐܵܬܹܐ ܒܬܸܫܒܘܿܚܬܵܐ ܕܒܵܒܘܼܗܝ ܥܲܡ ܡܲܠܲܐܟ̣ܘܼ̈ܗܝ: ܘܗ̇ܝܓܵܗ ܒܸܬ ܦܲܪܸܥ ܠܟܠ ܐ݇ܢܵܫܵܐ ܐܲܝܟܼ ܦܘܼܠܚܵܢܘܼ̈ܗܝ. 28ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܐܝܼܬ ܐ݇ܢܵܫܹ̈ܐ ܕܟܸܠܝܹܐ ܝ݇ܢܵܐ ܠܲܐܟ̣ܵܐ: ܕܠܹܐ ܛܵܥܡܝܼ ܡܵܘܬܵܐ: ܗܲܠ ܕܚܵܙܝܼ ܠܒܪܘܿܢܹܗ ܕܐ݇ܢܵܫܵܐ ܒܹܐܬܵܝܵܐ ܒܡܲܠܟܘܼܬܹܗ.